İMODİUM 2 mq kapsullar
IMODIUM
Beynəlxalq patentləşdirilməmiş adı: Loperamid
Tərkibi
Təsiredici maddə: 1 kapsulda 2 mq loperamid hidroxlorid vardır.
Köməkçi maddələr: laktoza monohidrat, qarğıdalı nişastası, talk, maqnezium stearat
Jelatin kapsulun trəkibi:
Qapaq: sarı dəmir oksidi (E 172), indiqokarmin (E 132), titan 4-oksid (E 171), jelatin.
Gövdə: qara dəmir oksidi (E172), indiqokamin (E 132), eritrozin (E127), titan 4-oksid (E171), jelatin.
Təsviri
Tünd-boz rəngli gövdədən və yaşıl rəngli qapaqdan ibarət bərk jelatin kapsullar (ölçü 4). Ağ rəngli yazılar: qapaqda-“İmodium”, kapsulun gövdəsində-“JANSSEN”. Kapsulun möhtəviyyatı - ağ rəngli toz.
Farmakoterapevtik qrupu
İshaləleyhinə vasitə.
ATC kodu: A07DA03.
Farmakoloji xüsusiyyətləri
Farmakokinetikası
Loperamidin absorbsiyası-40%. Qaraciyərdən "ilk keçid" zamanı oksidləşmə N-demetilləşmə prosesi zamanı intensiv metabolizmə uğrayır. Qan plazmasının zülalları ilə birləşməsi-təqribən 95%-dir, əsasən albuminlərlə birləşir. Yarımxaricolma dövrü orta hesabla 10,8 saat təşkil edir (9-dan 14 saata qədər). Əsasən mədə-bağırsaq traktından nəcislə, az hissəsi isə sidiklə xaric olur (konyuqəolunmuş metabolitlər şəklində).
Farmakodinamikası
İmodium bağırsaq divarında opiat reseptorları ilə birləşərək, asetilxolinin və prostaqlandinlərin xaric olmasını zəiflədir, bununla da peristaltikanı azaldır və möhtəviyyatın bağırsaqdan keçmə vaxtını uzadır. Anal sfinkterin tonusunu artıraraq, nəcis kütlələrinin saxlanılmamazlığını və defekasiya çağırışlarını azaldır.
İstifadəsinə göstərişlər
- kəskin və xronik ishal
- İleostomalı xəstələrdə defekasiyanın tənzimlənməsi.
Əks göstərişlər
- loperamidə və/və ya preparatın digər komponentlərinə qarşı yüksək həssaslıq
- kəskin dizenteriya və MBT-nin digər infeksiyaları. (Salmonella, Shigella və Campylobacter tərəfindən törədilən).
- bağırsaq keçməməzliyi (o cümlədən peristaltikanın zəiflədilməsinə ehtiyac olduqda), divertikulyoz, kəskin xoralı kolit və ya psevdomembranoz enterokolit (antibiotiklərin qəbulundan sonra yaranan ishal).
- hamiləliyin ilk trimestri və laktasiya dövrü.
- 18 yaşa qədər uşaq yaş dövrü
Ehtiyatla
Qaraciyər çatışmazlığı zamanı.
Didər dərman vasitələri ilə qarşılıqlı təsiri
Qeyd olunmayıb.
Xüsusi göstərişlər
Qəbzlik və ya qarında köpmə olduqda preparatın qəbulunu dərhal dayandırmaq lazımdır.
İmodiumla ishalın müalicəsi simptomatik olduğu üçün, imkan olduqca etiotrop vasitələrdən istifadə etmək lazımdır. İshal olan xəstələrdə, xüsusilə uşaqlarda hipovolemiya və elektrolitlərin azalması ola bilər. Belə hallarda mayenin və elektrolitlərin bərpası üçün əvəzləyici terapiya çox vacibdir. Kəskin ishal zamanı, 48 saat ərzində klinik yaxşılaşma müşahidə olunmursa, İmodiumun qəbulunu dayandırmaq və ishalın infeksion mənşəyini aradan götürmək lazımdır.
Qan qarışığı olan nəcislə ishal və yüksək temperatur zamanı istifadə etməyin.
QİÇS olan xəstələrdə qarnın köpməsinin ilk əlamətləri yarandıqda müalicəni dərhal dayandırmaq lazımdır. Ayrı-ayrı hallarda həm virus, həm də bakterial mənşəli infeksion kolitli QİÇS xəstələrində İmodiumla müalicə nəticəsində yoğun bağırsağın toksik genəlməsi yarana bilər. Qaraciyər funksiyası pozulmuş xəstələr MSS-in toksik zədələnməsinin əlamətlərini vaxtında aşkarlamaq üçün ciddi nəzarət altında olmalıdırlar.
Müalicə müddətində pəhrizin saxlanması və mayenin bərpa olunması tələb olunur.
Hamiləlik və laktasiya dövründə istifadəsi
Teratogen və ya embriotoksik təsirin olmasına aid məlumatların olmamasına baxmayaraq hamiləlik dövründə İmodiumu yalnız terapiyanın ana üçün ehtimal olunan faydası döl üçün potensial riskdən üstün olduqda mümkündür.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Müalicə müddətində nəqliyyatın idarə olunmasından və diqqətin toplanmasını və psixomotor reaksiyaların tezliyini tələb edən potensial təhlükəli fəaliyyət növlərindən çəkinmək lazımdır.
İstifadə qaydası və dozası
Daxilə.
Böyüklər, həmçinin yaşlılar:
Kəskin ishal: başlanğıc doza - 2 kapsul (4mq), sonradan duru nəcis olduqda hər defekasiya aktından sonra 1 kapsul (2mq).
Xronik ishal: başlanğıc doza - gündə 2 kapsul (4mq); bu doza adətən sonra elə korrreksiya olunur ki, defekasiyanın tezliyi gündə 1-2 dəfəyə qədər təşkil etsin, buna adətən gündə 1-6 kapsul doza ilə nail olmaq olar.
Maksimal sutkalıq doza. Kəskin və xronik ishal zamanı-8 kapsul (16mq).
Defekasiya normal olduqda və ya defekasiya 12 saatdan çox olmursa, preparatın istifadəsi dayandırılır.
Əlavə təsirləri
Tez-tez
- Allergik reaksiyalar
- Qəbizlik və/və ya qarnın köpməsi
- Bağırsaq sancısı
Nadir
- sidiyin ləngiməsi
Çox nadir
- bağırsaq keçməzliyi
- qarında ağrı və diskomfort
- ürəkbulanma və qusma
- hipovolemiya
- elektrolitlərin azalması
- yorğunluq
- yuxululuq, başgicəllənmə
- ağızda quruluq
- sorulma üçün tabletlər formasında preparatın qəbulundan dərhal sonra dildə yanma hissi və sancma hissi.
Doza həddinin aşılması
Simptomlar: mərkəzi sinir sisteminin ləngiməsi (MSS): stupor, koordinasiyanın pozulması, yuxululuq, mioz, yüksək əzələ tonusu, tənəffüsün ləngiməsi, bağırsaq keçməzliyi. Uşaqlar daha çox MSS-in təsirlərinə həssasdırlar.
Müalicə: simptomatik
Buraxılış forması
6 və ya 20 kapsul polivinilxlorid plyonkadan və alüminium çap folqadan ibarət konturlu-yuvalı qablaşdırmada. 1 konturlu-yuvalı qablaşdırma içlik vərəqə ilə birlikdə karton qutuya qablaşdırılır.
Saxlanma şəraiti
15°C-30°C temperaturda və uşaqların əli çatmayan yerdə saxlamaq lazımdır.
Yararlılıq müddəti
5 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
"Yanssen-Silaq S. A.", Fransa
Kamil Demulen küç., TSA 91003, 92787 İssi Le Mulil Sedeks 9, Fransa.
Qeydiyyat vəsiqəsinin sahibinin adı və ölkə
"Conson&Conson" MMC, Rusiya,
121614, Moskva şəh., Krılatskaya, ev 17, str. 2, tel. (495) 726-55-55
Məhsulun keyfiyyətinə görə istehlakçılardan iradları qəbul edən təşkilatın ünvanı
"Conson& Conson" MMC, Rusiya
121614, Moskva şəh., Krılatskaya küç., ev 17, str. 2, tel. (495) 726-55-55
KONTRENDIKASYONLAR VAR. ISTIFADƏ ETMƏDƏN ƏVVƏL BIR HƏKIMƏ MÜRACIƏT EDIN VƏ TƏLIMATLARA BAXIN.
